+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Жамбылда бір аптада баласына бас-көз болмаған 84 ата-ана жауапқа тартылды

2021 жылғы 22 шілде 02:20
Бөлісіңіз:
Жамбылда бір аптада баласына бас-көз болмаған 84 ата-ана жауапқа тартылды

ТАРАЗ. ҚазАқпарат – Жамбылдық полицейлер жасөспірімдер арасындағы қылмыстың алдын алу шараларын жүргізді, деп хабарлайды ҚазАқпарат тілшісі.

Жүргізілген рейд барысында Жамбыл облысында 84 ата-ана мен өзге де заңды өкіл әкімшілік жауапкершілікке тартылды.

Барлығы 63 рейд барысында 67 кәмелетке толмаған бала ішкі істер органдарына жеткізілді.

Олардың ата-анасы Әкімшілік құқық бұзу кодексінің 442-бабы 2-бөлігі бойынша әкімшілік жауапкершілікке тартылды.

Сондай-ақ, алкоголь өнімдерін сату ережелері туралы Қазақстан заңнамасын бұзудың 2 дерегі анықталды.

Аталған дүкен иелері Әкімшілік құқық бұзу кодексінің 200-бабы бойынша жауап береді.

Әкімшілік құқық бұзу кодексі бойынша тағы 16 заңбұзушылық тіркелді.

Кәмелет жасына толмаған 8 бала профилактикалық есепке қойылды. 2 жасөспірім арнайы мектепке орналастырылды, бір заңды өкіл ата-ана құқығынан айырылды.

«18 шілде сағат 00:00-де күшіне енген карантин шараларын ескере отырып, облыстың барлық тұрғындарын ұжымдық іс-шараларды өткізуден және оған қатысудан аулақ болуға, сондай-ақ балаларды, олардың өмірі мен денсаулығын қорғауға шақырамын. Демалыс күндері кәмелетке толмаған балалардың бос уақыты мен байланысын бақылауды күшейту керек. Бұзушылықтар анықталған жағдайда Әкімшілік құқық бұзу кодексіне сәйкес әкімшілік шаралар қабылданады», - деп хабарлады полиция департаменті жергілікті полиция қызметі басқармасының бастығы, полиция полковнигі Рахымберді Әшкеев.

Біздің каналымызға жазылыңыз:

Бөлісіңіз:

Автор:

Сая Сембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT