Жамбылда заңсыз балық аулаған 150-ден астам балықшы ұсталды

None
None
ТАРАЗ. ҚазАқпарат – Жамбыл облысының аумағында «Уылдырық -2021» жедел-алдын алу іс-шарасы өтіп жатыр, деп хабарлайды ҚазАқпарат тілшісі.

Іс-шараның мақсаты - балық және балық ресурстарын заңсыз өндіруге, тасымалдауға және сатуға байланысты құқықбұзушылықтар мен экологиялық қылмыстардың алдын алу және анықтау.

- Іс-шараның 27 күнінде жамбылдық полицейлер балықты заңсыз аулаудың 154 әкімшілік құқық бұзушылық дерегін анықтады. 106 адамға қатысты жалпы сомасы екі миллион теңгеге жуық әкімшілік айыппұл салынды, оның 800 000 теңгеден астамы өндірілді, – деп хабарлады Жамбыл облысының ПД ЖПҚБ бастығы, полиция полковнигі Рахымберді Ашкеев.

«Уылдырық» жедел-алдын алу шарасы кезінде полицейлер құқық бұзушылардан 50 келіден астам балық, 550 метр синтетикалық моноталшық торы, тыйым салынған 6 зат (қолдан жасалған балық ұстайтын шанышқы) және бір резеңке қайық тәркілеген.



Соңғы жаңалықтар