+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Жаңа қала: Петропавлда реновациялық бағдарлама аясында шағынаудандар жаңарып жатыр

2021 жылғы 4 мамыр 22:10
Бөлісіңіз:
Жаңа қала: Петропавлда реновациялық бағдарлама аясында шағынаудандар жаңарып жатыр

ПЕТРОПАВЛ. ҚазАқпарат – Петропавлда «Жаңа қала» реновациялық бағдарамасы аясында жеке сектордағы ескі үйлер сырылып, орнына жаңа, көпқабатты ғимараттар бой түзеп жатыр, деп хабарлайды ҚазАқпарат тілшісі.

Ұқсас жаңалықтар

Солтүстік Қазақстан облысының әкімі Құмар Ақсақалов әлеуметтік желідегі парақшасында Петропавлдағы оң өзгерісті көрсететін бейнероликті жариялады.

2017 жылы облыс орталығына кіре берісте негізінен жекеменшік, жартылай жерге кірген ескі үйлер тұрса, 4 жылдың ішінде қаланың бұл ауданы танымастай өзгерді.

«4 жылдың ішінде облыс орталығында жаңа «Жас Өркен» ықшам ауданы бой көтерді. Заманауи қаланың басты талаптарына сай келетін ауданды жинақы қылып салып жатырмыз. Мысалы, «Жас Өркенде» 200-ден астам ескі жеке үйлердің орнына 2400 пәтер салынып, бой көтеріп жатыр», - дейді Құмар Ақсақалов.

Бұл өзгерістің ең алдымен қалалықтарға пайдасы зор. ⠀

«Біріншіден, жеке сектор тұрғындары жайлы пәтерлерге ие болды. Екіншіден, қаладағы жақсы ауданнан тұрғын үй сатып алу мүмкіндігі көбейді. Үшіншіден, қалаға астанамыз жағынан кіреберіс өзгеріп жатыр.

Тозығы жеткен жеке үйлердің орнына Жамбыл, Горький және Парк көшелерінің бойында зәулім үйлер бой көтеруде. Жаңа мектеп салынды, көп қабатты үйлердің бірінші қабаттарында 2 шағын орталық ашылды. Қол созым жерде Оқушылар сарайы, теннис орталығы мен спорт сарайы орналасқан. Парк көшесінде жаңа емхананың құрылысын бастаймыз. Бір сөзбен айтқанда, «Жаңа қала» реновация бағдарламасы аясында бұл ықшам ауданның құрылысы жалғасады», - дейді СҚО әкімі Құмар Ақсақалов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT