ЖОО-лардағы қағазбастылық проблемасы қалай шешіліп жатыр

НҰР-СҰЛТАН. ҚазАқпарат – Жоғары оқу орындарында қағазбастылықты азайту бойынша жұмыс жүргізілуде. Бұл туралы ҚР Білім және ғылым министрі Асхат Аймағамбетовтің жоғары оқу орны басшыларымен кездесуінде айтылды, деп хабарлайды ҚазАқпарат тілшісі.

Ұқсас жаңалықтар

Білім вице-министрі ЖОО өкілдері тексеруден өту үшін қандай заңсыздықтарға баратынын айтты

ЖОО-лар адал бәсекелестік қана тиімді болатынын жақсы түсініп отыр - Талғат Нәрікбаев Жоғары оқу орындарындағы проблемалар айтылды Елімізде жеке меншік университетте білім алушылардың саны өсуде

«Біз түлектердің жұмысқа орналасуы бойынша мониторинг жүргіземіз. Ол сандық көрсеткіштен сапаға көштік. Сонымен қатар, жазуды жақсарту және академиялық адалдық мәдениетін қалыптастыру үшін нормалар енгізілді. Бұл – ішкі сапаны қамтамасыз ету жүйесіне қатысты нормалар»- дейді Жоғары және жоғары оқу орнынан кейінгі білім департаментінің директоры Әділет Тойбаев.

Оның айтуынша, университет оқытушыларын қағазбастылықтан босату бойынша жұмыс жүргізілді. Бұл университеттердің академиялық және басқарушылық дербестігін арттырған. Барлығын қосқанда 11 есеп беру нысандары алынып тасталды.

«Биыл университеттер алғаш рет өздерінің дипломдарын шығарады. Білім беру бағдарламаларының сапасын қамтамасыз ету үшін емтихан өткізіліп, Тізілім құрылады. Оқыту тиімділігінің көрсеткіштерінің бірі – жұмыспен қамту көрсеткіші. Елдегі мемлекеттік тапсырыс бойынша жұмыспен қамтылудың жалпы деңгейі 70,2% құрайды», - дейді ол.