Чимкентда коронавирусдан вафот этган тиббиёт ходимларини хотирлаш маросими бўлиб ўтди
«Ўзгани қутқариш учун ўзини фидо қилганлар» акцияси доирасида пандемия пайтида вафот этган шифокорларнинг яқинларига кўкрак нишонлари топширилди. Касаллик авж олган пайтда Туркистон вилоятида 32, Чимкентда 21 шифохоналар ходимлари вафот этди. Улар орасида шифокорлар ва ҳамширалар, фаррошлар ва ҳайдовчилар ҳам бор. «Жануб тиббиёт ходимлари ассоциацияси» жамоат бирлашмаси томонидан ташкил этилган тадбирда марҳумларнинг қаҳрамонликлари муҳокама қилинди ва бир дақиқалик сукут сақланди. Руҳларга Қуръон бағишланди ва ёдгорлик лавҳасига гуллар қўйилди. Марҳумларнинг учрашувда иштирок этган қариндошлари «Ҳаёт учун», «Олтин шифокор» ва «Меҳр» медаллари билан тақдирландилар. Кўпчилик бундай ташаббус учун ўз миннатдорчилигини билдирди ва ўз таклифларини ўртага ташлади.
Муаллиф: Айнур Ақбаева