Қозоғистон ва ENI муқобил энергия манбаларини ҳамкорликда ривожлантиради

ENI Қозоғистонда 1992 йилдан бери ишлаб келмоқда ва Қозоғистон иқтисодиётига 15 миллиард доллардан ортиқ сармоя киритди.

Томонлар Қашаған ва Қорашиғанақ конларида нефт ва конденсат қазиб олиш даражасини ошириш ва уни ушлаб туриш, шунингдек Қозоғистон Республикасида янги энергия лойиҳаларини ривожлантириш масалаларини муҳокама қилдилар.

Қозоғистон Бош вазири Асқар Мамин ENI Қозоғистоннинг муҳим сармоявий шериги эканлигини таъкидлаб, компаниянинг Қорашиғанақ ва Қашаған конларини ўзлаштиришга, шунингдек, Исатай ва Абай конларини излашга қўшган ҳиссасини таъкидлади.

ENI Қозоғистонда энергия алмашинуви ва углеводсизлантириш лойиҳаларига катта ҳисса қўшмоқда. Ушбу йўналишда қатор қўшма лойиҳалар амалга оширилмоқда.

Ақтўбе вилоятида 100 МВт қувватга эга шамол электр станциясини қуриш бўйича лойиҳа, Туркистон вилоятида эса 50 МВт қувватга эга қуёш электр станциясини қуриш ишлари якунланмоқда.

Бош вазир иштирокида қатор ҳужжатлар имзоланди.

«ҚазМунайГаз» АЖ ва ENI Қозоғистонда электр энергиясини ишлаб чиқариш ва амалга ошириш ҳамда қишлоқ хўжалиги ва водород лойиҳаларини ривожлантириш бўйича энергетик ўтиш лойиҳаларини ишлаб чиқиш бўйича ҳамкорлик тўғрисидаги меморандумни имзоладилар.

ҚР Экология, геология ва табиий ресурслар вазирлиги, «Қазгеология» АЖ ва ENI Қозоғистонда ерости бойликларидан фойдаланиш лойиҳаларини биргаликда амалга ошириш бўйича ҳамкорлик тўғрисида меморандум имзолашди.