ҚР Президенти Коррупцияга қарши курашиш агентлиги раисини қабул қилди
Қасим-Жомарт Тоқаевга жорий йилнинг 16 апрелида бўлиб ўтган коррупцияга қарши курашиш бўйича йиғилишда берилган кўрсатмаларнинг бажарилиш жараёни тўғрисида хабар берилди. Марат Ахметжанов Агентликнинг жиноий процесснинг уч босқичли моделига мослашишга тайёргарлиги тўғрисида маълумот берди.
Президент коррупцияга қарши кураш усулларини модернизация қилиш, иш жараёнида йўл қўйилган хатолар ва қасддан содир этилган жиноятлар ўртасидаги фарқни ажратиш, шунингдек, жиноятчини фақат жиноятнинг барча белгилари мавжуд бўлганда жавобгарликка тортиш зарурлигини таъкидлади.
Бундан ташқари, тадбиркорларнинг ҳуқуқларини ҳимоя қилиш, тадбиркорлик фаолиятига ноқонуний аралашган ва соя савдосига ҳомийлик қилган давлат хизматчиларининг жавобгарлигини қатъий кўриб чиқиш бўйича вазифалар белгиланди.
Давлат раҳбари Агентликка коррупцияга қарши курашиш бўйича илғор тажрибаларни ўрганиш ва давлат идоралари фаолиятини тўғри мувофиқлаштириш бўйича халқаро ташкилотлар билан яқин ҳамкорлик қилишни буюрди.