11:07, 26 Июл 2021 | GMT +6
Олимпиада ғолиблари ва совриндорларига ниқобларини ечишга рухсат берилди
NUR-SULTAN. Kazinform - Токиода бўлиб ўтаётган Олимпия ўйинлари ғолибларига Олимпиада ташкилотчилари томонидан тақдирлаш маросимида 30 сония давомида ниқобларини ечишга рухсат берилди.
Бу ҳақда Халқаро Олимпия қўмитаси сайтида маълум қилинди, деб хабар беради Kazinform BaigeNews.kz га асосланиб.
Мадҳия охирида спортчиларга ниқобни максимал 30 сония давомида ечишлари мумкинлиги тўғрисида сигнал берилади. Шу билан бирга, ғолиблар ҳали ҳам ижтимоий масофани сақлашлари керак.
Кейин Олимпиячиларга ниқобни қайта тақиш учун яна бир сигнал берилади. Кейин ниқоб кийган ғолибларга шоҳсупада суратга тушишга рухсат берилади.
Эслатиб ўтамиз, Қозоғистон бу йилги Олимпиадада иккита бронза медалини қўлга киритди. Совринни дзюдочи Елдос Сметов ва оғир атлетикачи Игор Сон олишга муваффақ бўлишди.