+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

15 balam bar men baqytty ákemin – petropavldyq Pavel Kýltyshev

2020 jylǵy 8 aqpan 10:15
Bólisińiz:
15 balam bar men baqytty ákemin – petropavldyq Pavel Kýltyshev

PETROPAVL. QazAqparat – Soltústik Qazaqstan oblysyndaǵy eń kóp balaly otbasy Petropavlda turady. Kýltyshevtardyń 15 balasy bar, jazǵa taman ómirge taǵy bir sábı kelmek. Baqytty shańyraq ıesi Pavel Kýltyshev QazAqparat tilshisine suqbat berdi.

Uqsas jańalyqtar
Taldyqorǵanda 7 balaly otbasyǵa kásipker baspana syılady Sozaq aýdanynda kepildi áleýmettik paketter úlestirile bastady – Túrkistan Baqytty otbasy: SQO-da byltyr 173 otbasy baspanaly boldy

Petropavl qalasynyń turǵyndary Pavel men Tatıana Kýltyshevtardyń shańyraq kótergenderine bıyl 18 jyl. Olardyń basqa kóptegen otbasylardan ereksheligi – 15 balany dúnıege ákelip, qanattyǵa qaqtyrmaı, tumsyqtyǵa shoqtyrmaı tárbıelep jatqandyǵynda. Búginde olardyń segiz uly, jeti qyzy bar. Eń úlkeni – Inna 18 jasqa kelse, kenjeleri Lıýba 14 mamyr kúni 1 jasqa tolady.

- Pavel, kúnderińiz neshede bastalady? Bárine qalaı úlgeresizder?

- Barlyǵy sııaqty tańǵy saǵat 7.00 shamasynda turamyz. Óıtkeni balalardyń 11-i, bireýi túske deıin, endi biri tústen keıin mektepke barady. Jýynyp, kıinip, tamaqtaryn iship úlgerýleri kerek. Buryn balalar kishkentaı bolǵanda qıyndyq kórdik. Qazir úlkenderi baýyrlaryna qaraıdy. Úı sharýasyna da kómektesedi. Eńbekke baýlyp ósirip jatyrmyz.

- Úlken otbasyǵa azyq-túlik kóp kerek. Sondaı-aq keı balanyń taǵamdy tańdap jeıtini bar, mundaıda ne isteısizder?

- Ádette, dúkenderden alamyz keregimizdi. Keı ónimderdi baǵasy arzan kezinde alyp qoıýǵa tyrysamyz. Mysaly, kókónisterdi. Otbasy úlken bolǵandyqtan azyq-túlikke kóp qarajat ketedi. Bir jaqsy jeri úlkeni de, kishisi de tamaqty tańdap ishpeıdi. Qazir balalar aýyryp qaldy, olarǵa eń kerek degen dári-dármekti ǵana búgin 25 myń teńgege aldym.

- Balalarǵa esimdi qalaı tańdaısyzdar?

- Bárimiz birigip sheshemiz, otbasylyq keńeste. Bir ulymyzǵa «Volodıa» dep atasynyń esimin berdik, bir ulymyzdyń atyn maǵan, taǵy bir qyzymyzdyń esimin anasyna attas etip qoıdyq.

- Otbasylyq dástúrlerińiz bar ma?

- Týǵan kúnderge asa mán beremiz. Balalardyń týǵan kúni biz úshin úlken mereke. Bul kúni mindetti túrde qazaqsha et asýǵa tyrysamyz. Tatıana nanyn salyp, tuzdyǵyn quıyp ádemilep pisiredi. Bul bizdiń otbasynyń súıikti asy.

- Bala tárbıesinde nege asa mán beresizder?

- Bizdiń úıdiń balalary tártipti, tárbıeli, artyq-aýys erkelikteri joq. Ony kimnen surasańyz da aıtady. Biraq, bul tártip negizinen syılastyqqa, yntymaqqa negizdelgen. Úlken otbasy bolǵandyqtan belgili bir tártip, ereje bolýy kerek. Árkimniń óziniń jeke mindeti bolǵany durys.

Jubaıym Tatıana mektepti bitire sala maǵan turmysqa shyqty. Jıyrma jasynda tuńǵyshymyzdy ómirge ákeldi. Qazir úıge, balalarǵa ıe bolady. Sol sebepti bizde balabaqshaǵa qajettilik joq. Balalardyń tárbıesimen de negizinen sol aınalysady.

- Mamandyǵyńyz kim, qaıda jumys isteısiz?

- Dánekerleýshimin. Byltyr «Bastaý» baǵdarlamasyna qatysyp, kásipkerliktiń qyr-syryn meńgerdim. Kýrstan ótisimen maǵan 250 myń teńge grant berdi. Ol aqshaǵa dánekerleý apparatyn aldym. Qazir jeke kásipkerlik ashqanmyn. Tapsyrys boıynsha jumys isteımin. Úlken otbasy bolǵandyqtan shyǵyn kóp. Kópbalaly otbasy retinde memleketten áleýmettik kómek beriledi. Biraq ol aqshany qanaǵat tutyp, qol jaıyp otyrý durys emes.

- Kóp balaly otbasynyń artyqshylyǵy nede?

- Biz dindar adamdarmyz. Sol sebepti ár balany «Allanyń syıy» dep qabyldaımyz. Úlken otbasyndaǵy balalar baýyrmal, eńbekqor, bir-birine pana bolyp ósedi. Jalpy men – baqytty ákemin. Úıge kelgende bári aldymnan shyǵyp qarsy alady. Ul-qyzdarym – meniń baılyǵym. Árıne, balany ómirge ákelgennen keıin oǵan durys tárbıe berý, oqytý kerek. Jaýapkershiligi zor. Bizdiń balalar birinshi synypqa árip tanyp, jazýdy úırenip barady. Eresekterin mýzykalyq mektepke bergenbiz. Eshkimnen kem emes, tamaqtary toq, kıimderi kók.

Qazir Tatıana 16-ynshy balamyzdy kóterip júr. Mamyr aıynyń sońynda, maýsym aıynyń basynda ómirge kelýi kerek. Ázirshe dúnıege kim keletinin bilmeımiz. Biz úshin eń bastysy, deni saý bolyp týǵany mańyzdy.

- Otbasyńyzǵa amandyq tileımin! Suhbatyńyzǵa rahmet!


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT