+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Atyraýda tanysynyń 2 mln-nan astam teńgesin aldap alǵan alaıaq sottaldy

2021 jylǵy 22 qańtar 14:34
Bólisińiz:
Atyraýda tanysynyń 2 mln-nan astam teńgesin aldap alǵan alaıaq sottaldy

ATYRAÝ. QazAqparat – Atyraýda tanysynyń 2 mln 300 myń teńgesin aldap alǵan alaıaqtyń bas bostandyǵy shekteldi, dep habarlaıdy QazAqparat.

Uqsas jańalyqtar
Telefonyńyzdy qarjy alaıaqtarynan qalaı qorǵaýǵa bolady Jurttyń kózinshe er adamdy atqan ekibastuzdyq  sottaldy Almatyda alaıaqtar jalǵa alynǵan qymbat páter men kólikterdi satyp otyrǵan

Oblystyq sottyń baspasóz qyzmetinen málim etkendeı, sot óndirisinde qaralatyn qylmystyń kóp taralǵan túrine alaıaqtyq baılanysty bolyp otyr. Alaıaqtar azamattardyń senimine kirip, aldaýdyń túrli tásilin qoldanady.

«Bul kategorııadaǵy isterden anyqtalǵany – jer ýchaskelerin, páterlerdi, iri kólemdegi nesıelerdi alyp berýge, jumysqa ornalastyrýǵa ýáde berý. Statıstıka kórsetkendeı, alaıaqtyqtyń túri kóp. Soǵan qaramastan azamattar qyraǵylyqty joǵaltyp, qalaǵanyn zańsyz jolmen alǵysy keledi. Sondaı isterdiń biri Atyraý qalasynyń №2 sotynda QR Qylmystyq Kodeksiniń 190-babynyń 1-bóligimen kózdelgen qylmystyq quqyq buzýshylyq jasaǵany úshin azamatsha A.-ǵa qatysty is qaraldy.

Sotta anyqtalǵandaı, azamatsha A. óziniń materıaldyq jaǵdaıyn jaqsartý úshin alaıaqtyq

nıetpen jábirlenýshi J.-men kezdesken. Onyń senimine kirip, bankten 50 mln teńge nesıe alyp beremin dep jalǵan aıtqan. Sóıtip, tanysynyń 2 mln 300 myń teńgesin ıemdenip alǵan», -dep habarlady oblystyq sottyń baspasóz qyzmeti.

Sot otyrysynda azamatsha A. kinásin moıyndap, protsestik kelisim jasaýǵa ótinish bildirgen. Sot úkimimen azamatsha A. taǵylǵan aıyp boıynsha kináli dep tanylǵan. Onyń onsha aýyr emes sanatyndaǵy qylmysty jasaǵany eskerilip, 1 jyl merzimge bas bostandyǵynan shekteý jazasyna sottalǵan. Jábirlenýshiniń azamattyq talaby qanaǵattandyrylǵan.

Eske sala ketelik, budan buryn Atyraýda qala turǵynynyń 2 mln teńgesin aldap alǵan alaıaq ustalǵan bolatyn.



Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT