+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Mańǵystaýda bıyl 10 myńǵa jýyq jas jumyspen qamtyldy

2019 jylǵy 9 jeltoqsan 21:41
Bólisińiz:
Mańǵystaýda bıyl 10 myńǵa jýyq jas jumyspen qamtyldy

AQTAÝ. QazAqparat - Óńirde bıyl memlekettik túrli baǵdarlamalar arqyly jumyspen qamtylǵan jastar sany 10 myńǵa jýyqtady, dep habarlaıdy QazAqparat tilshisi.

Uqsas jańalyqtar
Múgedekterdi jumyspen qamtý kvotasyn oryndamaǵan kompanııalar memlekettik satyp alýǵa qatyspaıdy 735 myń adamǵa jumysqa ornalasýǵa kómek kórsetiledi Oblys ákimderiniń orynbasarlary jalaqy bereshegi máselelerin baqylaýǵa alýy tıis - mınıstr

Atap aıtsaq, «Eńbek» baǵdarlamasy boıynsha aǵymdaǵy jyly 7881 jas eki qolyna bir kúrek tapqan. Jas mamandarǵa arnalǵan «Dıplommen aýylǵa» baǵdarlamasy da nátıjeli boldy. Bıyl 384 jas aýyldyq jerlerge jumysqa tartylyp, olarǵa kóterme aqy tólendi, sondaı-aq 309 jas mamanǵa turǵyn úı alýǵa nesıe berilgen.

Máselen, Túpqaraǵan aýdanynyń turǵyny Raýshan Sarbaeva aýyldyń medıtsına salasyna úles qosýda. Aqtóbe qalasyndaǵy M.Ospanov atyndaǵy Batys Qazaqstan memlekettik medıtsına ýnıversıtetiniń jalpy medıtsına fakýltetin támamdap, 2018 jyldan beri Fort-Shevchenkonyń ortalyq aýrýhanasynda jalpy tájirıbelik dáriger bolyp eńbek etýde.

«Oqýdy bitirgen boıda aýylǵa barýdy jón kórdim. Sebebi, oqýdaǵy ustazdarymyz únemi aýyldan bastaǵan durys dep keńes beretin. Men de oılana kele, osyndaı sheshim qabyldadym. Aýrýhana jaǵdaıy jaqsy, turǵyndar da rıza»,-deıdi Raýshan Sarbaeva.

Óńirde kásipkerlikke bet burǵan jastar sany artýda. Ózin ǵana emes, ózgeni jumyspen qamtyp, ıdeıasyn kásibine aınaldyrǵandar memlekettik baǵdarlamalardyń sharapatyn kórýde. Máselen, «Atameken» Ulttyq kásipkerler palatasy Mańǵystaý oblystyq fılıaly janynan júzege asyrylǵan «Jas kásipker» jobasy aıasynda bıyl 141 adam jalpy somasy 71 mln 205 myń teńge mólsherinde memlekettik grant jeńip aldy.

Bıylǵy jyly oblysta «Zhas Project» jobasy qarqyndy iske asyryldy. Joba aıasynda Mańǵystaý oblysy respýblıka boıynsha eń joǵary kórsetkishke qol jetkizdi. ıAǵnı 285 joba iske asyrylsa, 566 mln teńge kóleminde qaıtarymsyz ınvestıtsııa berildi.

Joba nátıjesinde óńirde et jáne sút ónimderin óndirý, jylyjaılar men qus fermasy boıynsha 93 shaǵyn sharýashylyq, 26 bilim berý ortalyqtary, 17 demalys ortalyǵy men shyǵarmashylyq úıirmesi, 19 sport ortalyǵy men fıtnes klýby, 24 naýbaıhana men kondıterlik, 29 tigin jáne aıaq kıim shebarhanasy, 5 sulýlyq salony qyzmetterin bastady.

Máselen, joba aıasynda óz kásibin bastaǵan Qaraqııa aýdany, Quryq selosynyń turǵyny Bıbigúl Myrzabekova aýyldan mýzykalyq mektep ashty. Ol az qamtylǵan otbasylar, kópbalaly analardyń balalary men jartylaı jáne tul jetim balalarǵa tegin bilim berdi.

«Jospar boıynsha 30 balaǵa tegin mýzykalyq bilim berýdi kózdedik. Biraq, túgel aýdan boıynsha 80 oqýshyny qamtydyq. 3 baǵytta jumys jasaımyz: vokal, gıtara, dombyra úıirmeleri bar. Jalpy somasy 940 myń teńge aldym. Qarajatqa aspaptardy satyp aldyq. Ata-analardyń suranysy boıynsha akterlik sheberlik, bı úıirmesin qostyq. Bizdiń mektepte tálim alǵan oqýshylar oblystaǵy ár túrli qaıyrymdylyq sharalarǵa atsalysýda»,-deıdi Bıbigúl Mýrzabekova.

Sonymen qatar, respýblıkalyq «Bastaý bıznes» jobasy arqyly 295 jas kásipkerlik mashyqtaryn meńgerdi. Oqyp shyqqan jastar bıznes jobalaryn qorǵap, ári qaraı kásibin ashýǵa múmkindik aldy.

Maýsymdyq «Jasyl el» jobasy boıynsha bıyl 1228 jas aýyldyq eldi mekenderdi abattandyrýǵa atsalysty.

«Keńes alańy» jobasy aıasynda 9 ret bos jumys oryndar jármeńkeleri uıymdastyryldy. Bos jumys oryndar jármeńkesine qala, aýdan aýmaǵynda ornalasqan 21 kásiporyn men mekemeler qatysyp 365 bos jumys oryndaryn usyndy. Jármeńeke 300-ge tarta jastar qatysty.

Aıta keteıik, Mańǵystaýda 14-29 jas aralyǵynda 145 657 jas bar, ol oblys halqynyń 23 paıyzyn quraıdy. Onyń ishinde – 70 174 qalalyq, 75 483 aýyldyq jastar.

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT